O Fórum Gastronómico e La Voz de Galicia outorgan o premio Cociñeiro do Ano por vez primeira en Galicia. Os candidatos son cociñeiros novos que representan a nova cociña galega e que teñen en común a utilización de produtos de proximidade, o respecto pola terra e a súa relación cos pequenos produtores. O premio Cociñeiro do Ano quere recoñecer e dar a coñecer os profesionais da cociña que se esforzan por facer difusión destes valores.